Əşyaların İnterneti (IoT) logistikanın gələcəyini necə dəyişdirir?

Əşyaların İnterneti (IoT) dünyada texnoloji inqilabların əsaslarından sayılır. İoT biznes, məişət, gündəlik həyat və.s sahələrə böyük ölçüdə təsir göstərir. Bu blogumuzda İoT-nin logistika sahəsinə təsirindən və onu necə dəyişdirdiyindən danışacayıq.

2019-cu ildə logistika bazarında dünya üzrə IoT-nin dəyəri 34 milyard dollar olub. Bəzi hesablamalara görə, sektorun dəyəri 2026-cı ilə qədər 63,7 milyard dollara çatacaq. Gəlin ilk öncə İoT-nin tətbiqinin logistika sahəsinin gələcəyinə müsbət təsirlərini araşdıraq.

1. Daşımaların monitorinqi və izlənilməsi

Logistika müəssisələri radiotezlik identifikasiyası etiketləri (RFID), eSIM və GPS sensorları kimi simsiz texnologiya vasitələri ilə real vaxt rejimində məhsulların yerini izləyə, konteynerin temperaturu, nisbi rütubət və digər xüsusiyyətləri haqqında data təmin edə bilir. Süni intellekt alqoritmləri marşrutun idarə edilməsini və təhlükəsizliyini təmin etmək üçün bu məlumatları qiymətləndirərkən IoT texnologiyasından istifadə edə bilər. Bundan əlavə gələcəkdə inventarda yarana biləcək problemləri qabaqcadan müəyyənləşdirə bilir.

2. İnventarın İdarə Edilməsi

IoT texnologiyası inventar idarəetməsini avtomatlaşdırmaq potensialına malikdir. Məsələn, logistika şirkətləri anbarlarda yerləşdirilən əşyalara RFID etiketləri yapışdıra bilər ki, onların yeri və inventar səviyyələri real vaxt rejimində izlənə bilsin. Bizneslər ağıllı rəflərdən və IoT sensorlarından avtomatik əldə edilmiş məlumatlarından istifadə etməklə proqnozları təkmilləşdirə və inventar səviyyələrini optimallaşdıra bilər.

3. Donanmanın idarə edilməsi

IoT ilə təchiz edilmiş donanma idarəçiliyi ilə real vaxtda nəqliyyat vasitəsinin yeri, qoşqu və ya yük maşınının çəkisini, avtomobilin cari vəziyyəti və sürətini təyin edilə bilər. Müəssisələr marşrutları və cədvəli optimallaşdırmaqla boş vaxtları azalda və nəqliyyatın idarə olunmasını yaxşılaşdıra bilər. Bu texnologiyalar yanacaq məsrəflərinə qənaət etməyə və sürücülərin qaydalara riayət edib etmədiyini izləməsinə kömək edə bilər.

4. Proqnozlaşdırılan Nəzarət

Sensorlar və digər IoT cihazlarından alınan məlumatları nümunələri aşkar etmək, avadanlığın nasazlıqlarını avtomatik proqnozlaşdırmaq və təmiri planlaşdırmaq üçün istifadə edilə bilər. Proqnozlaşdırıcı analitik sistemlər əvvəlki və cari məlumatları təhlil edərək, tələbi müəyyən edə, marşrutlaşdırmanı təkmilləşdirə və potensial fasilələri proqnozlaşdıra bilər.

5. İntellektual Logistika və Anbar İnfrastrukturu

IoT anbar əməliyyatlarını avtomatlaşdırmaq və mövcud məkan və resurslardan maksimum istifadə etmək üçün çox vacibdir. Ağıllı anbarlar və logistika qurğuları əldə edilmiş analitik məlumatlardan istifadə etməklə proqnozlaşdırma və inventar idarəetməsini təkmilləşdirə bilər. Avtomatlaşdırılmış toplama sistemləri, RFID etiketləri və ağıllı rəflər kimi IoT cihazları real vaxtda inventar izləmə və idarəetməni təmin edir. Əşyaların İnterneti sensorları həmçinin tez xarab olan malların lazımi qaydada saxlanmasını və tullantıların minimuma endirilməsini təmin etmək üçün temperatur və rütubət kimi ətraf mühit parametrlərinə nəzarət edə bilir.

Bundan əlavə, logistikada informasiya prosesləri qurarkən nəzərə alınmalı olan digər məsələlər də var:

1. Uyğunlaşa bilməsi

Sensorlar və digər əlaqəli cihazlar tez-tez istifadə edildikdə, əldə edilən məlumatların dərin təhlili və işlənməsi tələb oluna bilər. Nəticədə, artan məlumat həcmlərini idarə etməyə və inkişaf edən sistem ehtiyaclarına cavab verməyə qadir olan infrastrukturdan istifadə etməliyik.

2. Təhlükəsizlik

IoT şəbəkələrinə və cihazlarına kiberhücumlar məlumat itkisi və digər problemlərlə nəticələnə bilər. Digər tərəfdən, təşkilatlar hərtərəfli təhlükəsizlik qiymətləndirmələri və təhlükəsizlik protokolları vasitəsilə öz məlumatlarını qoruya və icazəsiz girişdən qaça bilməlidirlər.

3. İnteqrasiya

Yetərsiz planlaşdırmaya görə, IoT cihazı və ya ənənəvi logistik sistemlərin inteqrasiyası arzuolunan nəticələr verməyə bilər. IoT-ni mövcud logistik sistemlərlə inteqrasiya etməzdən əvvəl düzgün planlaşdırma və inteqrasiya testi aparılmalıdır.

4. İşçilərin Bacarıqları

IoT quraşdırılması sistem təkmilləşdirmələrini tələb etdiyi üçün işçilər mürəkkəb dəyişikliklərə uyğunlaşmaqda çətinlik çəkə bilərlər. Yeni yanaşmaya tez uyğunlaşmaq üçün yüksək texniki bacarıqlara malik ixtisaslı kadrlar tələb oluna bilər.

5. Məlumatların etibarlılığı

IoT cihazı məlumatları qərar qəbul etməyə və proqnozlaşdırmağa kömək edir, lakin yanlış və ya səhv məlumatlar şirkətlər üçün yüksək xərclərə səbəb ola bilər. Doğrulama üsulları və məlumat keyfiyyətinin yoxlanılması əldə edilmiş məlumatların düzgünlüyünü və etibarlılığını təmin etməyə kömək edə bilər.

Logistikanın bütün aspektləri, o cümlədən inventarların idarə edilməsi və məhsulun çatdırılması səmərəlilik və dəqiqlik tələb edir. İoT internet üzərindən cihazları və sistemləri birləşdirərək, real vaxt rejimində məlumatların toplanması, təhlili və onların avtomatlaşdırılmasına imkan verir. Beləliklə logistika şirkətlərinə əvvəllər mövcud olmayan anlayışlar və imkanlar verir.

Qadcetləri, avtomobilləri, anbarları və sistemləri birləşdirərək logistika şirkətləri öz əməliyyatlarını sadələşdirə, xərclərə qənaət edə və müştəri məmnuniyyətini artıra bilər.

Texnologiya inkişaf etdikcə, Əşyaların İnterneti (IoT) logistikada böyük rol oynayır və daha integrasiya olunmuş və effektiv təchizat zənciri ekosisteminə imkan yaradır. Rəqəmsal əsrdə inkişafa meyilli logistika şirkətləri üçün IoT-ni qəbul etmək seçim deyil, ehtiyacdır.